婚前揾私家偵探調查男朋友 - Sandy實錄 (上下集全文內容)
- 陳浩琳 Jaydon 前任警察 婚外情 私家偵探
- 2024年9月9日
- 讀畢需時 3 分鐘
已更新：2024年12月9日
男朋友：「老婆，你好靚啊, 套婚紗襯晒你啊」
Sandy：「咩老婆呀, 咪亂叫啊，我都未係你老婆」
男朋友：「唔使怕醜喎，仲有三個月咋，你就正式係我老婆喇，要開始習慣下喇」
Sandy平時甚少會喺出面跟男朋友錫錫，感到怕醜之餘又覺得好冧
正當Sandy沉醉喺將為人妻嘅喜悅之中
有一日，Sandy喺男朋友嘅衫上面聞到一䘲香水味
由於Sandy有嚴重鼻敏感，所以對氣味特別敏感
平時亦都好少噴香水
於是Sandy問男朋友點解會有香水味嘅
男朋友只係輕輕帶過咁答咗句：「今日見咗個客，係女人嚟嘅」
Sandy聽完都接受嘅，就由得件事過去啦
點知，之後連續幾晚
Sandy都聞到相同嘅香水味
Sandy就覺得奇怪啦
再問男朋友，解釋都係見客，再唔係就話同一個客要見幾次
同樣情況都持續咗成個星期Sandy好糾結唔知點算好
但係唔清楚答案佢個心又唔舒服
又唔可以同身邊親戚朋友講
一嚟驚引起咩誤會，因為男朋友平時係好好先生嘅形象
二嚟又驚大家話佢係婚前恐懼先疑神疑鬼
呢件事都困擾咗Sandy一段時間
如果真係無特別問題，咁就證明係自己太緊張，之後就可以安心咁出嫁啦
私家偵探調查後, 結果究竟Sandy男朋友有冇問題呢？
Sandy將男朋友嘅特徵、平時嘅工作時間、生活習性等詳細資料交俾私家偵探之後
私家偵探就開始進行婚前跟蹤調查
原本男朋友平時收工就會返屋企
但臨近結婚嘅嗰段期間
就以趕埋啲工作安心結婚放假為理由
晚晚都好夜先返屋企
開頭Sandy好信任男朋友，但自從香水事件之後
Sandy疑心越來越重
而事實喺私家偵探都發現咗端倪
男朋友經常收工都會去見一位打扮性感嘅女士
有時兩人會去公園散步
有時會去食飯睇戲
但更多嘅係男朋友同嗰位女士會進入一幢大廈
一入就係幾個鐘
有時出嚟嗰陣，係同呢位性感女士一齊嘅
以上嘅行程男朋友都係全程拖實性感女士、行為親暱
仲有最令Sandy接受唔到嘅係
原來呢位性感女士Sandy都認識，係佢哋嘅共同朋友嚟
而更離譜嘅係男朋友喺瞞住Sandy嘅情況下
會拖住性感女士一齊出席朋友嘅聚會
睇到呢度，Sandy真係晴天霹靂
原來唔單止係男朋友同性感女士背叛佢
連佢哋嘅一班朋友都係知情嘅
Sandy當時聽私家偵探匯報嗰陣
真係好心痛都忍唔住痛哭
Sandy同男朋友一齊咗咁耐，七年之癢都過咗
而家都過咗第八年走向婚姻
點知係咁嘅結果
仲要係好似大家都知得佢Sandy一個唔知
Sandy覺得自己好可笑好似傻女咁俾人玩
Sandy不禁問自己點解唔早啲發現呢
有時啲嘢真係話唔埋
邊個會諗到前一刻仲咁幸福嘅準新娘
下一刻會受到咁大嘅打擊
揾私家偵探調查男朋友
並唔係話唔信任對方
正正就係因為在乎對方
就更需要把自己心裡的懷疑搞清楚
唔使之後仲有咩猜猜度度
希望大家之後嘅生活會更加無隔閡更加和諧
明明準備好相伴一生嘅人
原來係傷得自己最深嘅
當初所有嘅甜言蜜語
彷彿喺一瞬間化為泡影
唔知道Sandy要幾耐時間
先可以再走出呢個陰影
不過不幸中之大幸就係
Sandy喺結婚前終於發現男朋友嘅不忠
至少仲有機會俾Sandy諗清楚點樣去選擇自己嘅將來
